ادبیات گیلکی-ترانه شالیزار-(اؤهؤی مار)
من بجار کارأ، نۊکۊنم مارى، نۊکۊنم مارى،
اُهؤی مار، اؤهؤی مار
من خأنه کارأ، نۊکۊنم مارى، نۊکۊنم مارى،
اؤهؤی مار، اؤهؤی مار
***
عزیز بۊکۊنه مي کارأ ** دؤختر بۊکۊنه مي کارى
ته ره گۊشوار فأگیرم ایمسالˇ باهارهˈ
عزیز بۊکۊنه مي کارأ ** دؤختر بۊکۊنه مي کارأ
ته ره مخمل فأگیرم ایمسالˇ باهارأ
***
هر چي بۊگؤفتي نۊکۊدي مارى، نۊکۊدي مارى
اؤهؤی مار، اؤهؤی مار
مي دیلأ تۊ خۊن دۊکۊدي مارى، دۊکۊدي مارى
اؤهؤی مار، اؤهؤی مار
***
بیدین ایپچه تي برارأ ** چۊتؤ کۊمکˇ مي کارأ
اۊنه چي فأگيفتمأ پارسالˇ باهارأ؟
ایزر بۊکۊنأ مۊدأرأ ** فأدم مي دأر ؤ ندأرأ
ترأ مخمل فأگيرم ايمسالˇ باهارأ
ايزر بۊکۊنأ مۊدأرأ ** فأدم مي دأر ؤ ندأرأ
ترأ نامزدأ دهم ايمسالˇ باهارأ
ترأ «گۊلعلي» دهم ايمسالˇ باهارأ
درده ندنه تي مارأ ** دؤختر بۊکۊنأ مي کارأ
ترأ گۊلعلي دهم ايمسالˇ باهارأ
***
من بجار کارأ ، آيمه مارى، آيمه مارى
اؤهؤی مار ، اؤهؤی مار
من خأنه کارأ، کۊنمه مارى، کۊنمه مارى
اؤهؤی مار ، اؤهؤی مار
خۊدأ بدأره مي مارأ ** مي پئرأ مي برارأ
مرأ گۊلعلي دهد ايمسالˇ باهارأ
درود و تشکر از تلاش فرهنگی شما