خلوت من

ببه کي فردا، ايمرۊ جا بئتر ببه

ببه کي فردا، ايمرۊ جا بئتر ببه

باشد که فردا، بهتر از امروز باشد

Gil6ki Calendar

ايتا کۊچي دانه داستان





زناى بامؤ پيرٚمرداکˇ جۊلؤب کي درجکˇ جا بيرۊنʹ فاندرستي، بئسا

پيرٚمردأى خؤ چؤمانأ فـۊچه!

ـ بيدين، أی سفر آخري واره کي گؤفتأن درم ...

خؤب گۊش بدن ياد بيگير ...

تا أکه خائي درجکأ فاندري؟

أ بازي-يا ياد بيگيري  أ درجکˇ جا جيويزي، تي همسلامالانˇ أمرأ ني تأني بازي کۊدن ...

ـ بيدين، اۊشان دوتا مانستن ...

ـ تي مرأيم، ايشتاوي؟

ـ پيرٚمردأى نجاغˇ مرأ خۊ چۊمانأ واکۊد ...

ـ بيدين، أ ايتأ کي همه-دانه جا پيله تره شايه، خألي ايتا خانه تانه أرا اۊرا شؤن ...

أنم کي اۊنˇ ويجا ايسا، أنˇ نام وزيره، أ ايتا همه طرف تانه شؤن ... أرا، اۊرا، ئي وري ...

دردٚسر ندم، اصلˇکاري هنه، بفهمستي؟

پيرٚمردأى بۊگفت: ش ش شااااا ... و و وزيررررر ...

ـ آفرين، أ دۊتايم کي ديني همديگرأ ماند، أشانˇ نام قلعه-يه ... خألي ديک تاند شؤن ...

أ دۊتائم أسبد ... چۊتؤيه؟

ـ بمانسته أ دۊتا، أشانˇ نامم فيله، خألي ئي وري تأند شؤن ...

أشانم کي ديني أ جۊلؤب به رج ايساد، أشانˇ نام « سربازه »

ـ ديني، هتؤ ايتا راس راسي أرتشˇ مانستن

تي دۊشمندأ تأني فۊتۊرکستن،  تي جانم تأني پاستن ...

أن کاري دأشتي ... بيده-ئي چندر راحته؟

هسأ أشانˇ نامأ مره بۊگۊ بيدينم ياد بيگيفتي يا نأ؟

خۊس، پيرٚمردأکˇ نفسأ وأوه بۊ

خۊ ديمأ زناکˇ جا جيگا بدأ

بزين بۊگؤفت:

« پ پ پس مۊردۊم چي، اۊشان بازي نيئد؟ »


نظرات  (۱)

تي دس درد نکۊنه. اي خئلي خؤب بۊ. فقط تيني اينˇ سربسه (منبعه) معرفي بکۊني کي اينˇ بنويشتکس کيسه ؤ کؤره' جي ترجۊمه بۊدي؟
پاسخ:
شرمنده خئلي سالان پيش داستاناني کي مرأ خۊش آمؤئي ئا جما کۊديم هنˇ وأسي سربس نأرم
بزين مي چۊمانˇ سر هچينه واگردان نۊکۊنم

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی