أگه قبرˇ جأ به ئي جيگأ دري دينبه چي؟
يأ کي تۊمأنأبؤ پس, مأشري دينبه چي؟
گيرم کي در نهأ يؤ دسگيره-يم دأره-يأ
اۊ چٚوٚرˇ زيمينˇ مئن, هيکس دينبه چي؟
کفني مرأ فأکش فأکش گيلˇ جأ ويريزم ؤ مي حققأ بخأيم
اۊ دأدٚگأ دبيرˇ دس, دفتري دينبه چي؟
شيرأزˇ أصلˇ دوأيأ بدأمأ جه دس
أگه ايتأ گيرأتر خۊمي دينبه چي؟
أجۊر کي هممه-چي نأجه-أ مي ديل بنأمأ أيأ
أگه هيتتأ گۊنأ ره, کيفري دينبه چي؟
ببرده کيسه أ کلأچ ملأچ بأزي دۊرۊن
اۊ دئقه مييأن أگه دأوري دينبه چي؟
أيأ گۊش بۊکۊنيد
|
بۊشؤم بۊشؤم
| |||
بۊشؤمأ کۊلبأر دوستم من |
تي مرأيم هر جيگأيم من
|
||
مأنه-يأ مي أ آوأز, تي عشقˇ جأ هميشک |
تي يأدˇ مرأ زيوم, تي تۊقأ مي بهأنه-يأ |
||
گأگلف مي خأنه رؤخ بۊکۊن هأتؤ تأزه مأ |
کي فوه گۊل تي ديمأ, مي خۊمه مئنأ
|
||
|
بۊشؤمأ کۊلبأر دوستم من
|
تي مرأيم هر جيگأيم من |
||
بيشتأوستي-بي مي آه |
فأرسه-بي مي أ فۊچۊرده حأل |
||
هئيمي تي اۊ نأزأ |
تۊ بکشه-بي مي أ نأزأ |
||
بۊخۊدأ کي مي چۊمˇ جأ تۊ, نيشي-يأ |
تي ورأ بشمأ مي ورأ نيشي-يأ
|
||
|
بۊشؤمأ کۊلبأر دوستم من
|
تي مرأيم هر جيگأيم من |
||
أگه مي نأجه-أن جۊرأ به, چي به-يأ؟ |
أ تأسييأني-أن دۊرأ به, چي به-يأ؟ |
||
بۊخۊدأ کس مي حألˇ جأ وأخب نؤبؤ |
کي جه غرز غم, شؤنˇ جأ مي سأم نؤبؤ |
||
نيشي-يأ تۊ مي چۊمأنˇ جأ هلمأله |
کي جه غرز تۊ مي چۊمˇ ور نيدينمه
|
||
|
بۊشؤمأ کۊلبأر دوستم من
|
تي مرأيم هر جيگأيم من
|
||
|
بۊشؤم بۊشؤم بۊشؤم بۊشؤم
| |||
نأم سييأيي کي مردۊمˇ آفتˇ جأن ايسي |
تۊنم شي, تۊنم شي کسأنˇ دۊمبأله پسي |
أگه هيأتˇ جأ وأورسه پلأپچ ترأ |
بۊگۊ محرم أمي هأ صوب تأ ظؤره-يأ |
محرم هأ بيگيل دۊخۊفته-نأ, وطن |
محرم هأ هأچينه حقسأيأنأ, وطن |
أجۊر گؤرخؤله شبأن کي مردۊم أسيريدي |
اۊنˇ مئن صد تأ شأمˇ غريبأن أويريدي |
هأنقده آدمي کي هر رۊز بۊکۊشته بيدي |
وأکۊده کۊري کي بني هأشمˇ جغلأنيدي |
اؤهؤى کفتألٚى کي خرأنˇ مأنستن ايسي |
تۊنم شي, تۊنم شي کسأنˇ دۊمبأله پسي |
أ غۊرصه کي بشکنه هأى ميلتˇ پۊشتأ ددأر |
نيشينه تي اۊ چأنˇ پسأ, کؤلأنه, هأايوأر |
هأتؤ تۊندأگيفته وؤرأثٚى بي صٚبٚر |
بأييم ايتأ ايتأ تي اۊ قبرˇ سر |
وأورسيم کؤنأ تي دۊنکۊشسته وأبرأزئنأ؟ |
کؤنأ اۊ سکي کي ديميشته أ بختˇ مئنأ؟ |
کي گۊش بۊکۊن کي بأمؤج تۊ اؤهؤى کفتألٚى |
چي ببردي گيلˇ مئن, جه اۊ خأل ؤ ولگٚى؟ |
کۊنأ تي مينيندي گۊرگۊنۊسأن کؤنأ؟ |
هۊ تۊشکأني کي هأ چأکأ پۊرأ کۊنأ؟ |
هۊ گيل گيلأنˇ چلکˇ پئرهأنأن |
ندأني-يأ تأ مرگ جأنگي بۊخۊرده درأن |
کي تييأن ؤ کترأ ؤ فيللي مرأ |
ترأ بأل زنيدي خأش وأليسي مرأ |
کؤنأ اۊ پيله کيش ؤ مأت کۊنˇ چأترٚى؟ |
کؤنأ اۊ هلمأله تۊمأنأ نؤبؤستنٚى؟ |
تۊنم شي, أمي أ تۊشکˇ جيجأ |
هأ رأفأ دريم, أمأن همه-تأ |
هأتؤ تۊندأگيفته وؤرأثٚى بي صٚبٚر |
بأييم ايتأ ايتأ تي اۊ قبرˇ سر |
وأورسيم ترأ, زيويشٚى أمي شين کؤنأ؟ |
اؤهؤى کفتألٚى, جوأني أمي شين کؤنأ؟ |
هم مرگ شيمي سأمأن نى دوأره |
هم شيمي کرچˇ خأنده دؤرأن نى دوأره |
أ بۊک بأرده کۊرˇ قۊقۊ کي کۊنه لأ همه چئه |
شيمي خأصˇ بختˇ رۊزأنˇ سرأن نى دوأره |
پئيزˇ فک بأرده بيجˇ بأد نأخبره |
شيمي بأغ ؤ بۊلأغأن نى دوأره |
أجلˇ آب کي اۊشکۊفه ايرۊز رعيت ۊ شأ |
شيمي حلق ؤ زوأنأن نى دوأره |
أى شيمي تئغ هأتؤ نيزه مأنستن ظؤلمه درأز |
شيمي سرنيزأنˇ تيجئأن نى دوأره |
چۊنکي عأديلأنˇ حؤکٚم دۊنيأ مييأن نۊمۊد نۊکۊد |
شيمي أ بيجأنˇ ظؤلمأن نى دوأره |
أ کؤگأ شيرأنˇ نأره کي بۊشؤ ؤ دوأرست |
شيمي أ سکأنˇ لأبأن نى دوأره |
اۊني کي أسبˇ رأ تأختي أنˇ نأم أويرأ بؤ |
شيمي خرأنˇ سۊمˇ گرد ؤ خأکأن نى دوأره |
بأدي کي زمأنه مئن هيزأر هيزأر شمع دۊکۊشست |
تترج شيمي چرأغأن نى دوأره |
أ کأروأنسرأ مييأن بأمؤد بۊشؤد هيزأر هيزأر |
آخربسر شيمي کأروأنأن نى دوأره |
أى کرأ گۊلأز دريد شيمي خأصˇ بختˇ طأله-يأ |
شيمي اۊ رؤجأنˇ طألأن نى دوأره |
أ نؤبه کسأنˇ جأ دکفته نأکسأنˇ دس |
شيمي نأکسأنˇ نؤبأن نى دوأره |
دۊ رۊزه ويشتر نۊبۊ اۊ همه-تأ کسأنˇ سأم |
دۊرۊزˇ پسي شيمي همه-تأنˇ سأمأن نى دوأره |
صٚبٚر کۊنيم, صٚبٚر کۊنيم, ظؤلمأنˇ جأ |
تأ اي رۊز شيمي وأرؤختنأن نى دوأره |
دره بۊ کسأنˇ دس أ تأزه گۊل |
أ گۊلٚى شيمي گۊل-ستأن نى دوأره |
آبجرس ايسه أ خأنه دأشت ؤ دأرأيي |
شيمي آبجرس-آبأن نى دوأره |
تۊ کي بسپأردي مألأ ورگأنˇ دس |
شيمي گألشأنˇ بيجˇ کأرأن نى دوأره |
زيويشˇ سر کي فچمسته-يه لأتوأري پيش |
شيمي پينتئأنˇ سرأن نى دوأره |
|
شبخأنٚى کي وأگردأن بۊکۊده أنأ زأکأن
|
خأيه کي اۊنˇ دۊعأدأنه شيمي زوأنأن نى دوأره
|
|
أ شبˇ تأن چي دۊره |
أژدمˇ آب چي تۊله |
کشتي اۊسه کۊن خۊدأ |
بهشتي تشˇ أمرأ |
رأشي کۊ کشکشأن کۊ |
زؤره کۊ آسٚمأن کۊ |
زؤره چراغى سرده |
سييأيي-يأنأ گرده |
وأگيرأن اۊنأ خۊدأ |
رأشي بيدينم جه چأ |
بندرˇ رأشي أوير |
وأرش أيه جؤر ۊ جير |
|
|
وأرش أيه شؤرأشؤر |
گۊمبز ؤ ممبرˇ جؤر |
پيرˇ أچؤپيل مأندگي |
نيشته ميلˇ لچگي |
أچؤپيلˇ نأز ۊ بلأ |
رخشنأ نيگيري مي گبأ |
أ تأريکˇ هوأ جأ |
أ تنگأمˇ جيگأ جأ |
وختي کي وأزأ ديبي |
تۊ زؤره-يأ نيده-يي؟ |
چنقده بلأيي زأکى؟ |
کؤيأ جأ بأمؤيي زأکى؟ |
نيديني مي کيشکأ خۊفته |
آوأل ندأره جۊخۊفته |
جه وس بۊخۊرده غۊره |
تب دأره بأينن کۊره؟ |
أ شؤرأشؤرˇ وأرش |
زيمين ۊ هوأ جأن کٚنٚش |
تٚکٚسˇ أبرأنˇ لأ |
زؤره چي کۊنه أيأ؟ |
زؤره خأنمى خۊفته |
نأنمه کؤيأ جۊخۊفته |
|
|
وأرش أيه شؤرأشؤر |
هأجرئکˇ بأمˇ جؤر |
مردˇ ره بؤستأن دره |
سۊکۊله تأج نأن دره |
هأجرئکˇ نأز ۊ بلأ |
رخشنأ نيگيري مي گبأ |
حنأ کي نئأن ديبي |
تي أبرۊ وأچئن ديبي |
تي سأجأنأ وأکۊدي |
تي خألأ سييأ چأکۊدي |
زؤره نأمؤ تأمشأ؟ |
بيده-يي نۊکۊني هشأ |
زأکى مرأ وأ بده |
بيکأرˇ زأکي مگه؟ |
زأمأيأ أوردأن درد |
پردأ اۊسأدأن درد |
مي دسأ نيهيد اۊنˇ دس |
وأسي درأنأ دٚوٚس |
نيديني کي کأر دأرم من؟ |
آرأم ۊ قرأر نأرم من؟ |
أ ونگ بزه هوأ لأ |
أ کشکˇ وأرشˇ جأ |
هي شبي رۊزأ نيبه |
زؤره فۊرۊزأ نيبه |
|
|
وأرش أيه شؤرأشؤر |
بي درˇ خأنأنˇ جۊر |
چأر تأ بيدأرˇ مردأک |
جزئده ديفأرأ تک |
بکن وأکن ديفأري |
نأ فرشي نأ بۊخأري |
مردأکأن سلأم عليکم |
أويرأ بؤ زؤره خأنم |
نأ أچؤپيل اۊنأ بيده |
نأ هأجرˇ مرد نيده |
أگه اۊن دئه وأ نگرده |
اؤهؤ, اؤهؤ, چي درده |
تأ تۊندˇ وأرش فيوه |
هلمأله شب صؤب نيبه
|
مأندي زأکى, هسأيه |
تأصؤب هيچي ننأيه |
غۊرصه نۊخۊر ديوأنه |
کي بيده کي شب بمأنه؟ |
دتأوه زؤره هأيأن |
مردأکأنˇ مۊشتˇ مييأن |
دأره گيريدي به دس |
أبرأن همه بيد تٚکٚس |
صؤبه, سۊکۊله خأنه |
خؤرشيد خأنمم دأنه |
شب دئه وأسي دوأره |
أسأ دئه تأبˇ کأره |
به هۊشه خؤرشيد أسأ |
وأکۊده خۊ گۊشأ هأسأ |
|
|
وأرش أيه شؤرأشؤر |
گۊمبز ۊ ممبرˇ جؤر |
هأجرئکˇ بأمˇ ور |
بي درˇ خأنأنˇ سر |
أ شبˇ تأن چي دۊره |
أژدمˇ آب چي تۊله |
رأشي کۊ کشکشأن کۊ |
زؤره کۊ آسٚمأن کۊ |
سۊکۊله-يه نأز ۊ بلأ |
چي ره دودي تي تۊکأ؟ |
آفتأبأ زۊد وأگيرأن |
مي رأشي ۊ رأ مييأن |
|
بندرˇ رأشي أوير
|
وأرش أيه جؤر ۊ جير
|
برگردان گیلکی «دزد بازار»، شعری از سید محمدرضا عالی‌پیام متخلص به «هالو»
دۊز بازار
|
دۊزدان آهنگˈ بۊدۊزانه-ئيدي
|
سٚتا، سيمˈ بۊدۊزانه-ئيدي
|
|
|
مسيحي دۊعاخانه جا صدا نأيه
|
زنگˈ دۊعاخانه جا بۊدۊزانه-ئيدي
|
|
|
اۊ بيابان کي أنˇ نامˈ بناده زندگي
|
سکˈ سرأ دأد سنگˈ بۊدۊزانه-ئيدي
|
|
|
قاري کاشتان درده ديلانˇ مئن
|
ايجان‌ايجانائي-يأ بۊدۊزانه-ئيدي
|
|
|
تاکي سربنيستˈ به عشق فرهنگانˇ جا
|
عشقˈ نأ، فرهنگˈ بۊدۊزانه-ئيدي
|
|
|
تا خۊشانˇ دۊري-يأ حقˇ جا جيگا بدد
|
فرسخˇ واژهˈ بۊدۊزانه-ئيدي
|
|
|
تا خۊشانˇ درزه-ئم مردۊمˇ أمرأ جیگا بدد
|
سالنگˇ درّهˈ بۊدۊزانه-ئيدي
|
|
مملکتˇ شهيدانˇ جا، زندهˈن |
جنگˇ ايفتخارˈ بۊدۊزانه-ئيدي
|
|
|
ماني بٚکٚشه-کأ بزئده خۊشانˇ نام
|
أرژنگˈ راهٚبان بۊدۊزانه-ئيدي
|
|
|
سيائي بمانسته سيائي رۊ هچين
|
چؤنکي سطلˇ رنگˈ بۊدۊزانه-ئيدي
|
|
|
آبˈ هأوٚنگˇ مئن چي واسي کؤبي براره
|
هأوٚنگدستهˈ بۊدۊزانه-ئيدي
|
جـان لـنـؤنˇ شئـرˇ "خييـال بـۊکـۊن"
*
*
خييـال بـۊکـۊن
خييـال بـۊکـۊن أسـن بهشتي اۊ دۊنيـا ننـأ
کـاري نـأره أگـر دکفـي بـه تـکˇدؤب
أمـي پـا جيـرٚم هيـچ جهنـدمـي ننـأ
خألي آسٚمـانˇ کـي أمـي سـرˇ جـؤر نهـأ
خييـال بـۊکـۊن آدمـان همـه‌دانـه
ايمـرۊ ره زيويستأن درد
خييـال بـۊکـۊن هـيـچ کشـوري ننـأ
أنˇ خييـال کـۊدن سخـت نييه
بؤنـه نـي أ را دۊرۊن مـٚردن ؤ کـؤشتـنˇ ره ننـأ
هتـؤ کـي ديـن ؤ مصـابـي ننـأ
خييـال بـۊکـۊن آدمـان همـه‌دانـه صؤلحˇ دۊرۊن زيويستأن درد
شـائد بيگـي خـاب دينمـهˈ
أممـا مـن تنـا نـي‌ئم
مـن اۊ رۊزه رافـا ايسـام کـي مـن ؤ تـۊ ايجـانـا بيبيم ؤ
دۊنيـا ايتـأ ببـه
خييـال بـۊکـۊن صـاب-مـالـي وجۊد نأره
جـا خـۊرم أگـر بتـأني
هراس ؤ ويشتـايي چي ره
آدمـــانˇ بـــراري.
خييـال بـۊکـۊن مـردۊم همـه‌دانـه
زيميـنʹ خـۊشـانˇ مئـن سهـم کـۊنٚـد
شـائد بيگـي خـاب دينمـهˈ
أممـا مـن تنـا نـي‌ئم
مـن اۊ رۊزه رافـا ايسـام کـي مـن ؤ تـۊ ايجـانـا بيبيم ؤ
دۊنيـا ايتـأ ببـه
