خلوت من

ببه کي فردا، ايمرۊ جا بئتر ببه

ببه کي فردا، ايمرۊ جا بئتر ببه

باشد که فردا، بهتر از امروز باشد

Gil6ki Calendar

۲ مطلب با موضوع «ادبیات گیلکی(سعدي گۊلستان)» ثبت شده است

ادبیات گیلکی(گلستان سعدی)


گلستان سعدی


***

 سعدي گۊلستان

بخشˇ يک

شائانˇ کردˇکار

نٚقٚل

*****


خراسانˇ ايتا شائان، مأمۊدˇ سبکتکينˈ، ايجۊر بخاب دينه کي


اۊنˇ جانˇ گۊشت، خاکˇ مانستن، فؤؤسته بۊ


جغرزˇ اۊنˇ چۊمان، کي چومˇ کاسه ميان گردستي ؤ أرا اۊرأئا فأندرستي.


هممتا أ خابˇ معني کۊدنˇ جا بمانستد، جغرزˇ ايتا درويش کي اۊنˇ معني ئا دأنستي ؤ بوگوفته:


اۊن هني غۊرصه خۊردأن دره کي اۊنˇ شائي، أيتا اۊيتا دس دره.



أنقده پيله پيله آدمان، زيمينˇ دۊرۊن بگيلˈ کۊدد   /   کي جه اۊشان، زيمينˇ رۊ نام ؤ نيشان نمانست


اۊشانˇ بمرده جانا کي گيلˇ جير بنائيدي   /   خاک کاري بۊکۊد کي اۊشانˇ خاشم نمانست


           هنی انۊشيروانˇ نامˈ به خؤبي برٚد   /   هرچن خئلي سالان ايسه کي بمرده دأره


ايتا خؤرۊمˇ کار بۊکۊن ؤ تي زندگي قدرأ بدان   /   پيشˇ اۊنکي شيون بۊکۊند، فلان کس بمرده



ادبیات گیلکی (گلستان سعدی)

گلستان سعدی


***



سعدي گۊلستان

بخشˇ اول

شائانˇ کردˇکار

نٚقٚل

 

*****

 

بیشناوستم ایتا شا، دۊستـۊر بدأبۊ ایتا أسیرأ بۊکۊشٚد

 

بیچاره-يم کي بیده أتؤيه، بيناکـۊد شايأ زاغ دأن


قدیمی-يانˇ قؤلي:

 

هرکي مرگʹ خۊ نيزیکی بیدینه، هرچي أنˇ دیل دبه، به زوان أوره


اۊ زمات کي دئه راىˇ گۊرۊز نمانه  /  ناچاري آدم دس به شمشیر بره


شا وأورسه اۊن چي گه ؛

 

ایتا وزیر کي خؤرۊم زاى بۊ بۊگؤفته أى شا، اۊن گه :


اۊشاني کي زرخˈ بؤستن̌  مؤقه خۊشانأ دأرٚد ؤ مۊردۊمˇ تخصيرˇ جا  

 

دٚوارد، خۊدأ اۊشانأ دۊس دأره


شا دیل به رحم أیه ؤ اۊنˇ کۊشتنˇ جا دٚواره

 

اۊیتأ وزیر کي أنˇ أمرأ چپ بۊ به گب أیه ؤ گه:  

 

شا وزیران، نوأ اۊنا دۊرؤ بگد

 

اۊن شایأ زاغ بدأ ؤ بد ؤ بیرا بۊگؤفت

 

شا أ گبˇ جا ناراحتأ به ؤ گه:

 

اۊنˇ دۊرؤ مرا ویشتر خۊش بامؤ تا تي راس

 

اۊن خیرخأیی جا دۊرؤ بۊگؤفته، أمما تـۊ بدخأیی وأسي راس بۊگؤفتي


عاقلان بۊگؤفته دأرد


دۊرؤیي کي باعث باني-يه خیر ببه جه راستي کي خیر ندأره بئتره 


هرکي شا اۊنˇ گبا گۊش کۊنه  /  حیفˇ کي بخؤبی گب نزنه


فرئدۊنˇ هرّه سخفˇ سر بينيويشته بۊ


برأره أ دۊنیا هيککسˇ
ره نمأنه  /  فقد خۊدایأ دیل دٚوٚد

 

أ دۊنيا ؤ مالˇ دۊنیايأ پۊشتأکۊن  /  کي پۊر تي مأنستنʹ بال بزه، بازۊن ببرده

 

مردنˇ وخت کي بخأيه فأرسه  /  چي تختˇ سر بئسي چي خاکˇ سر، وا بيشي   

 

متن فارسی