ميکرؤپلأستيکˇ آلۊديگي کۊجي دريأ رۊفه-أنˇ دۊرۊن, کأسپي دريأ خۊرخۊسي نسأ (گيلأن)
ميکرؤپلأستيکˇ آلۊديگي کۊجي دريأ رۊفه-أنˇ دۊرۊن,
کأسپي دريأ خۊرخۊسي نسأ (گيلأن)
مجيدˇ رأستأ1, مسعۊدˇ ستأري*1و2, مۊجتبأ شۊکرۊالله زأده-يه طألشي3, جأويدˇ ايمأن پۊرˇ نمين1
1- شيلأتˇ جرگه, منأبع طبيعي دأنشکده, گيلأنˇ دأنشگأ, سۊمأسرأ, ايرأن.
2- دريأيي عۊلۊمˇ جرگه, کأسپيينˇ آبي حؤضه پژۊهش-جيگأ, گيلأنˇ دأنشگأ, رشت, ايرأن.
3- دريأ شيمي جرگه, اۊقيأنۊسي يؤ دريأيي عۊلۊمˇ دأنشکده, مأزندرأنˇ دأنشگأ, بأبۊلسر, ايرأن.
گيلکي وأگردأن: نيما رهبر
خۊلأصه
أ وأرسي دۊرۊن أولي وأره کي ميکرؤپلأستيکأنˇ (MPs) فتˇ فرأوأني يؤ به وۊجۊد أمؤن وأرسي بؤبؤسته.
نۊمۊنه-أني کي رۊفه-أنˇ جأ اۊسأده بؤبؤسته ون وين گرأبˇ مرأ بۊ کي بأهأرˇ 1397 أنجأم بؤبؤسته. وختي کي ميکرؤپلأستيکأنأ NaCI محلۊلˇ مرأ تأکأ کۊديم, ايتأ استريؤميکرؤسکؤپˇ مرأ شۊمأرش ؤ وأرسي بؤبؤستد. ميکرؤپلأستيکأن هر 100 گرم خۊشکˇ رۊفه-أنˇ دۊرۊن 282-14 تأ تيکه (2820-140 تأ تيکه يک کيلؤ خۊشکˇ رۊفه دۊرۊن) بۊ. ايسگأيه 10, 14/171±282 تأ ميکرؤپلأستيک 100 گرم خۊشکˇ رۊفه دۊرۊن ؤ ايسگأيه 9, 3±14 تأ ميکرؤپلأستيک هر 100 گرم خۊشکˇ رۊفه دۊرۊن, ويشتري يؤ کمتري آلۊديگي-يأ دأشتيدي. تۊمأمˇ ميکرؤپلأستيکأنˇ وأد 5-3/. ميلي متر بۊ. ميکرؤپلأستيکأنˇ وأد 2-1 ميلي متر بۊ کي 3/37٪ مرأ ويشتري فتˇ فرأوأني-يأ دأشتيد. ميکرؤپلأستيکأنˇ ويشتري شکل, رشته-يي بۊ. تيکه-أني کي رۊکش دأشتيد ؤ تکس تکسˇ تيکه-أن نى نۊمۊنه-أنˇ دۊرۊن دۊبۊ. سۊرخ, سييأ ؤ آبي رنگأن به رج 1/34٪ ؤ 8/30٪ ؤ 4/26٪ مرأ ويشتري رنگأني بيد کي نۊمۊنه-أنˇ دۊرۊن ديبيد. بيلکؤل, 5 تأ پؤليمر پؤلي استأيرن (PS), پؤلي پؤرؤپيلن (PP), پؤلي استر (PES), پؤلي اتيلن (PE) ؤ پؤلي أکريلؤنيتريل (PAN) شنأسأيي بؤبؤسته. أ وأرسي به عؤنوأنˇ أولي وأرسي, أصلي دأده-أني ايسه کي نيشأن ديهه ميکرؤپلأستيکأن کۊجي دريأ دۊرۊن دره ؤ جأنورأني کي اۊنˇ دۊرۊن زيويدˇ ره به عؤنوأنˇ غذأ دسفأرس ايسه ؤ بزين مۊمکينه کي آدمأنأ وأتين بدأره. نتيجه-يي کي به دس بأمؤ خؤرم ايطلأعأت ويشتر وأرسي کۊدنˇ ره أمي پأ پيش نهه.
کيليدي لؤغتأن: ميکرؤپلأستيک, کۊجي دريأ, آلۊديگي, پؤليمر
ـــــــــــــــــــــــــــــــــــــــــــــــــ
** مسئۊلˇ نيويسأ
پيش-گب
زيويشري تهديدأن, دريأئأن ؤ اۊقيأنۊسأنˇ سر مأله نهه کي أ مييأن آشخألأني کي آدمأن تؤليد کۊنيدي ايتأ پيلدأنه ؤ جهأني مۊشکيله کي مأقؤل-زمأت به کي همه-أ ديل نأگرأنأ کۊده دأره. أ رۊزأن دريأيي آلۊديگي-يأن ميکرؤپلأستيکأنˇ أمرأ (5 ميلي متر کۊجي-ترˇ ذره-أن) (Arthur et al., 2009) ديل نأگرأني-يي ايسه کي هر رۊز ويشترأ بؤستن دره چۊنکي حيأتˇ وحشˇ رئم ايتأ تهديده ؤ تأنه شيلأتˇ سر ايقتصأدي مأله-أن بنه (Ryan et al., 2009).
ميکرؤپلأستيکأن کۊجي تيکه-أني ايسيد کي أشأنˇ وأد 5 ميلي مترˇ جأ کمتره (Barnes et al., 2009). بيلکؤل ميکرؤپلأستيکأن دۊ جرگه ايسيد (Cole et al., 2011). أولي ميکرؤپلأستيکأن ميلي مترˇ أندر يأ اۊنˇ جأ کۊجي-تريدي يؤ ويشتر شخصي بهداشتي محصۊلأنˇ دۊرۊن دريد ؤ اۊنˇ پسي ايپچه کمتر, پزشکي دۊرۊن دريد, يني به عؤنوأنˇ چيزأني کي دأرۊئأنأ خۊشأنˇ دۊرۊن دأريدي ايستفأده بيدي (Gouin et al., 2015) یأ مرخه ؤ کۊجي دأنه-أني کي گرد ايسيد ؤ أمي دؤر ؤ ور دريد.
دؤوؤمي ميکرؤپلأستيکأن پيلدأنه لأکي تيکه-أنˇ جأ به وۊجۊد أييدي. پؤليمري تيکه-أن وختي کي طبيعتˇ دۊرۊن شيدي, فيزيکي يؤ زيويشري يؤ شيميأيي فعألييتأن أشأنˇ سر مأله نيهيدي. أ فعألييتأن پلأستيکˇ ذره-أنˇ ايجأنأيي-يأ کمأ کۊنه, کي بأعيث به بشکفيد (Costa et al., 2016).
ميکرؤپلأستيکأن, پيلدأنه بأقي-بمأنسته پلأستيکأنˇ جأ, آبي زيويشر ؤ اۊنˇ زيويستن-کسأنˇ ره خطرنأک-تريدي چۊنکي ويشترˇ أشأن هأتؤ لأب طبيعي غذأيي ذره-أنˇ أندريد کي آبأنˇ دۊرۊن بييأفته بيدي يؤ هأنˇ وأسي, به سأب غذأ جأ فۊبرده بيدي (Boerger et al., 2010ꓼ Lusher et al., 2013) ميکرؤپلأستيکأنˇ فۊبردنˇ خطرأن ايتأ, موأدˇ فيزيکي مأله-أنه (Rochman et al., 2013a), ايتأ, پلأستيکأنˇ شيمييأيي ترکيبأنه (Lithner et al., 2011ꓼ Rochman et al., 2013a) ايتأيم, شيمييأيي موأدي کي مۊحيطˇ جأ جذب بؤبؤسته (سمي موأد(PBT) ؤ زيويستني کي زييأد درأزه بدأشته مأنستن) (Rochman et al., 2013b) ؤ فلزأن (Holmes et al., 2012).
کۊجي دريأئأن جأجيگأ-چأکۊنأني ايسيد کي همه-تأ سأمأن دريد. أشأنˇ دۊرۊن ايتأ بأرˇ حأيوأن ؤ گييأ دره کي أشأنˇ زنده بؤن کۊجي دريأئأنأ تۊشکه بۊخۊرده دأره (طأهري-يه يزدي ؤ همکأرأن, 1387). أنزلي کۊجي دريأ أ سألأن ويشترˇ عيلمي أنجۊمنأن ؤ سأزمأنأنˇ نظرأ جلب بۊکۊده دأره. پيله رۊخأنأني خۊمأم-رۊد, پيربأزأر ؤ زرجۊبˇ مأنستن أنزلي کۊجي دريأ دۊرۊن ديبيدي کي أشأن شۊمألˇ آلۊده-ترين رۊخأنأنيدي (سلأمأت ؤ همکأرأن, 1393). کيشأورزي, شأري, صنعتي يؤ سينگينˇ چکچي-يأنˇ (فلزي يؤ لأکي قطعه-أن) آلۊديگي-يأن ويشتر, اۊ رۊخأنأني کي شأر ؤ ديهأتˇ جأ دوأر کۊنيدي جأ, أنزلي کۊجي دريأ دۊرۊن ديبيدي (أحمدي ؤ همکأرأن, 1394؛ سیف‌زأده ؤ همکأرأن, 1397).
رۊفه-أن, جأجيگأ-چأکۊنأني ايسيد کي کۊجي دريأئأنˇ جأ هلمأله سيوأ نيبيدي, اۊشأن بعضي-تأ جأنورأنˇ غذأيأ جۊرأ کۊنيدي يؤ آبˇ گأزأن ؤ رۊفه تأنيدي آلۊده-أ کۊدن يأ تيميزأ کۊدنˇ اۊ آبأني کي رۊفه مرأ درگيريدي سر مأله بنيد (Sunderland et al., 2008). أ سألأن, چن جۊر وأرسي أنجأم بؤبؤسته کي بيدينيد رۊفه-أني کي أنزلي کۊجي دريأ سرسرأ دريد چندر آلۊده-ييد؟ (بۊخۊصۊص سينگينˇ تيکه-أن) (غضبأن ؤ خۊش ايقبأل, 1390؛ خزأيي ؤ پۊرخبأز, 1391؛ فئيد ؤ همکأرأن, 1394). تۊمأمˇ وأرسي-يأني کي بؤبؤسته دۊرۊن ثأبت بؤبؤسته کي جۊروأجۊرˇ آلۊديگي کۊجي دريأ دۊرۊن دره أممأ هيتتأ, رۊفه-أنˇ ميکرؤپلأستيکˇ آلۊدگي-يأ وأرسي نۊکۊده دأره. هأن, نيشأن ديهه کي أ وأرسي وأسي أنجأم ببه. أ وأرسي به عؤنوأنˇ أولي وأرسي-يي کي نيشأن ديهه کۊجي دريأ ميکرؤپلأستيکˇ آلۊديگي چندر ايسه ؤ کؤيأن دره, تأنه خؤرم ايطلأعأت بأقي وأرسي-يأنˇ رئم بدأره.
موأد ؤ دأبأن
أنزلي کۊجي دريأ رۊفه-أنˇ جأ نۊمۊنه-أني اۊسأده بؤبؤسته کي شيمييأيي ترکيبˇ ايشنأختنˇ مرأ اۊنˇ ميکرؤپلأستيکˇ ذره-أن وأرسي بؤبؤسته ؤ مألۊم بؤبؤسته کي کؤيأ جأ بأمؤ دأريد. أ وأرسي ره کۊجي دريأ چن جيگأ, 11 تأ ايسگأ چأکۊده بؤبؤسته تأ چيزأني کي آلۊدگي-يأ به وۊجۊد أورديدي يؤ اۊ سأمأنˇ خۊصۊصييتأن وأرسي ببه. ايسگأئأنˇ جأجيگأ جۊري بۊ کي وسط, خۊرخۊس ؤ خۊرتأوأ سر ببه (شکلˇ 1).
شکلˇ 1: کۊجي دريأ نۊمۊنه-اۊسأني ايسگأ
Figure 1: Sediment sampling stations in Anzali wetland
نۊمۊنه اۊسأدن ؤ رۊفه-أنˇ خۊشکأ کۊدن
کۊجي دريأ رۊفه-أنˇ ميکرؤپلأستيکي آلۊديگي ره, بأهأرˇ 1397 هرتأ ايسگأ رۊفه-أنأ, ون وين گرأبˇ Van Veen Grab أمرأ اۊچه-ييم (Loder and GerdsK 2015)ؤ جأئأني کي لأکي نيبيدˇ دۊرۊن بدأشتيم. رۊفه-أنأ بنأييم هوأ بۊخۊريد تأ خۊشکأ بيد (Jayasiri et al., 2013). أول هرتأ ايسگأ ره, آلمينييؤمي تشت بأورديم بزين, هيستˇ رۊفه-أنأ دۊکۊديم اۊشأنˇ دۊرۊن. تشتأنˇ سرأ آلمينييؤمي درأنˇ مرأ دوستيم تأ أگه هوأ دۊرۊن آلۊديگي-يي دره رۊفه-أنأ دۊنچکه. هرتأ نۊمۊنه-أ هف رۊز وهأشتيم هوأ بۊخۊره تأ خؤب خۊشکأ به.
نۊمۊنه-أنˇ تأکأ کۊدن NaCI محلۊلˇ مرأ کي تأ هأ بسر دۊکۊديم
خۊشکأ بؤستنˇ پسي, أنˇ وأسي کي 5 ميلي مترˇ جأ پيله-ترˇ ذره-أن اۊشأنˇ مييأنأ دنبه, رۊفه-أنأ ايتأ 5 ميلي متري ألکˇ مرأ ألک بۊکۊديم. هرتأ ايسگأئأنˇ رۊفه-أنˇ جأ 100 گرم اۊسأديم ؤ قأشؤقˇ ايستيلي کي ضدˇ زنگ بۊ مرأ ايتأ ديجيتألي ترزۊ مرأ 1/0 گرم دۊکۊديم ايتأ 1000 ميلي-ليتري بشرˇ دۊرۊن بزين NaCI محلۊلأ (Corcoran et al., 2009)عيلأوه-أ کۊديم. بشرأ 10-15 دقه تکأم بدأييم کي پلأستيکي ذره-أن کأميل رۊفه-أنˇ جأ سيوأ ؤ وألأهسته بيبيد. هرتأ نۊمۊنه-أن 30 دقه ثأبت بدأشته بؤبؤستد کي پلأستيکي ذره-أن وألأهسته بئسيد. اۊ مأيعي کي اۊنˇ سر دۊبۊ (سۊپرنأتأنت) يني وألأهسته تيکه-أني کي رۊفه-أنˇ جأ وأدأهسته بۊ, ايتأ شيشه-يي قيفˇ مرأ نيترؤسلؤلؤزي صأفي کأغذˇ سر فيلتر بؤبؤستد (Hidalgo-Ruz et al., 2012). أ کأر هرتأ نۊمۊنه ره سه دفأ تکرأر بؤبؤسته کي تۊمأمˇ ذره-أن رۊفه-أنˇ جأ وأدأهسته ببد. هرتأ ايسگأ جأ 3 تأ 100 گرمي نۊمۊنه اۊ دأبي کي بۊجؤرتر بۊگؤفتيمˇ مرأ وأدأهسته بؤبؤسته. بزين صأفي کأغذ آونˇ دزگأ دۊرۊن 60 درجه-يه سأنتي-گرأد تفˇ دۊرۊن بمأنسته کي نۊمۊنه-أن بيلکؤل خۊشکأبيد. آخربسره تۊمأمˇ ذره-أن ايتأ بينۊکۊلأر ميکرؤسکؤپˇ (استريؤميکرؤسکؤپ) مرأ 40 برأبر پيله-ترأ بؤستيد ؤ وأرسي بؤبؤستيد ؤ ميکرؤپلأستيکˇ ذره-أن, مۊچينˇ مرأ بأخي چيزأنˇ جأ سيوأ بؤبؤستد, بزين بيشمأرده بؤبؤستد. تأکأ بؤبؤسته نۊمۊنه-أن, هر 100 گرم ايتأ تيکه خۊشکˇ رۊفه مۊعرفي بؤبؤستد (Reddy et al., 2006).
ميکرؤپلأستيکأنˇ وأرسي أشأنˇ رنگ, شکل ؤ وأدˇ جأ
أنˇ وأسي کي ميکرؤپلأستيکأنˇ وأدأ بيگيريم ايتأ چۊمˇ عدسي جأ ايستفأده بؤبؤسته (Abidli et al., 2017). أول کألیبره چۊمˇ عدسي یؤ بزین تأکأ بؤسته نۊمۊنه-أنˇ وأد بيگيفته بؤبؤسته. بزين ايتأ بينۊکۊلأر ميکرؤسکؤپˇ مرأ 40 برأبر پيله-ترأ بؤستيد کي تأکأ بؤسته ميکرؤپلأستيکأنˇ رنگ ؤ شکل وأرسي ببه.
ميکرؤپلأستيکأنˇ ايشنأختن, تبديلˇ فۊريه مأدۊنˇ قرمزˇ طيف-سنجي (FTIR) دزگأ مرأ (ATR) دأبˇ مرأ
أنˇ وأسي کي ميکرؤپلأستيکأني کي ATR دأبˇ مرأ تأکأ بؤستيدˇ ترکيبأ مألۊم بۊکۊنيم أ دزگأ جأ ايستفأده بۊکۊديم: تبديلˇ فۊريه مأدۊنˇ قرمزˇ طيف-سنجي دزگأ (Nor and Obbard, 2014) مۊدلˇ نيکۊلت نکيۊزˇ 470, آمريکأ نيکۊلت ترمؤ شرکتˇ چأکۊده, OMNIC نرم أفزأرˇ مرأ, مۊجهز به انعکأسي ثبتˇ أبزأر (ATR) کيريستألˇ آنأليزؤرˇ مرأ ZnSe. فأصله-يي کي وأرسي بؤبؤسته cm 4000-650 بۊ. هرتأ آزمأيشˇ پيش, دزگأ طيفˇ هوأ مرأ به عؤنوأنˇ زيمينه, أنˇ وأد بيگيفته بؤستي. بزين طيفأن أنˇ وأسي کي مألۊم ببه تأکأ بيدي يأ نأ ؤ أنˇ وأسي کي ميکرؤپلأستيکˇ پؤليمرأن بشنأخته ببه أشأنˇ پيکأنˇ شکل ؤ مؤقييت وأرسي بؤبؤستيد.
آمأرˇ وأشکأفتن ؤ وأرسي
أول أنˇ وأسي کي مۊطمئن بيبيم أمي ايطلأعأت عأدي ايسد شأپيرؤ ويلکˇ مرأ وأرسي بؤبؤستد. بزين 95٪ ايطمينأنˇ وأسي کؤرؤسکأل-وأليسˇ نأپأرأمتري مرأ وأرسي بؤبؤستد. أ دۊتأ وأرسي-يأنˇ مۊقأيسه, من-ويتني آزمأيشˇ مرأ أنجأم بؤبؤسته. دأده-أنˇ وأشکأفتن SPSS نرم أفزأرˇ نؤسخه-يه 19 مرأ أنجأم بؤبؤسته ؤ نۊمۊدأرأن Excel نرم أفزأرˇ نؤسخه-يه 2010 مرأ بکشه بؤبؤستد.
نتيجه-أن
ميکرؤپلأستيکأنˇ فتˇ فرأوأني
همه-تأ 11 تأ ايسگأيي کي نۊمۊنه-اۊسأني شين بۊ دۊرۊن ميکرؤپلأستيک دره بۊ. أشأنˇ تعدأد تقريبن 08/78±36/78 تأ تيکه هر 100 گرم خۊشکˇ رۊفه (8/780±783 تأ تيکه يک کيلؤ خۊشکˇ رۊفه) دۊرۊن بۊ. دهؤمي ايسگأ 14/171±282 تأ تيکه ؤ نؤهؤمي ايسگأ 3±14 تأ تيکه مرأ هر 100 گرم خۊشکˇ رۊفه دۊرۊن, ويشتري ؤ کمتري ميکرؤپلأستيکأ دأشتيدي (شکلˇ 2). کؤرؤسکأل-وأليس ؤ من-ويتني آزمأيشˇ مرأ, مألۊم بؤبؤسته کي ايسگأئأنˇ مييأن خأيلي ايختلأف دره (05/0˂p).
شکلˇ 2: ميکرؤپلأستيکأنˇ تعدأدˇ نأميزأني معيأرˇ جأ ؤ أشأنˇ مييأنگين ايسگأئأنˇ دۊرۊن
Figure 2: Mean ± S.D of microplastics in sediment of Anzali Wetland
ميکرؤپلأستيکأنˇ رنگ, شکل ؤ وأد
ميکرؤپلأستيکأنˇ وأد, همه-دأنه 5-3/0 ميلي متر بۊ. ميکرؤپلأستيکأنأ وأدˇ جأ شأ 6 تأ جرگه دۊرۊن جزئن. نتيجه-أن نيشأن بدأ کي 2-1 ميلي متري جرگه, 3/37٪ مرأ ويشتري فتˇ فرأوأني-يأ دأشتي أممأ 4-3 ؤ 5-4 ميلي متري جرگه-أن 1/5٪ مرأ کمتري فتˇ فرأوأني-يأ دأشتيدي (شکلˇ 3 أليف).
أشأنˇ شکلˇ جأيم, شأ ميکرؤپلأستيکأنأ 3 تأ جرگه-يه رشته-يي, تيکه-پأره ؤ غشأيي دۊرۊن جزئن. نتيجه-أن نيشأن بدأ کي رشته-يي ميکرؤپلأستيکأن ويشتري فتˇ فرأوأني-يأ تۊمأمˇ ايسگأئأنˇ دۊرۊن دأريدي (شکلˇ 3 ب). أ وأرسي دۊرۊن ميکرؤپلأستيکأني کي تأکأ بؤستيد هف تأ رنگˇ سييأ, سۊرخ, آبي, زرد, سيکلمه, سبز ؤ سيويد بيد. سۊرخ, سييأ ؤ آبي به رج 1/34٪ ؤ 8/30٪ ؤ 4/26٪ مرأ ويشتري فتˇ فرأوأني يؤ سيکلمه ؤ زرد نى به رج 2/1٪ ؤ 8/1٪ مرأ کمتري فتˇ فرأوأني-يأ دأشتيدي (شکلˇ 3 پ).
شکلˇ 3: ميکرؤپلأستيکأني کي أنزلي رۊفه-أنˇ جأ تأکأ بؤبؤستدˇ جرگه-بندي وأد (أليف), شکل (ب) ؤ رنگˇ (پ) جأ
Figure 3: Classification of microplastics in terms of size (a), shape (b) and color (c) in different stations
پؤليمرأنˇ مؤدلأنأ ايشنأختن
أنˇ وأسي کي ميکرؤپلأستيکأنˇ پؤليمرأنأ بشنأسيم ATR-FTIR دزگأ جأ ايستفأده بؤبؤسته. بيلکؤل 20 تأ ميکرؤپلأستيک, گؤترمه-يي, اۊ ايسگأئأني کي ويشتري فتˇ فرأوأني-يأ دأشتيدˇ جأ, مۊچينˇ مرأ اۊسأده بؤبؤسته ؤ پؤليمري جأ وأرسي بؤبؤستد. بيلکؤل 5 تأ پؤليمر کي پؤلي استأيرن (PS), پؤلي پؤرؤپيلن (PP), پؤلي استر (PEST), پؤلي اتيلن (PE) ؤ پؤلي أکريلؤنيتريل (PAN) بيد رۊفه-أنˇ دۊرۊن بييأفته بؤبؤسته (شکلˇ 4).
شکلˇ 4: پؤليمرأني کي أنزلي کۊجي دريأ رۊفه-أنˇ دۊرۊن بييأفته بؤبؤسته. أليف: پؤلي أکريلؤنيتريل, ب: پؤلي اتيلن, پ: پؤلي پؤرؤپيلن, ت: پؤلي استر, ث: پؤلي استأيرن
Figure 4: Polymers found in the sediments of Anzali wetland. A: Polyacrylonitrile, b: Polyethylene, c: Polypropylene, d: Polyester and e: Polystyrene
بۊگۊبيشتأو
أ وأرسي نتيجه-أن نيشأن ديهه کي ميکرؤپلأستيکأنˇ ذره-أن همه-تأ ايسگأئأنˇ دۊرۊن دره ؤ خأيه بگه کي أنزلي کۊجي دريأ رۊفه-أنˇ دۊرۊن وأولأج دأريدي. ميکرؤپلأستيکأنˇ فتˇ فرأوأني-يم أ وأرسي دۊرۊن 282-14 تأ تيکه هر 100 گرم خۊشکˇ رۊفه دۊرۊن بۊ کي أشأنˇ مييأنگين 08/78±36/78 تأ تيکه هر 100 گرم خۊشکˇ رۊفه دۊرۊن بۊ. ألبأخي وأرسي-يأن نى نيشأن ديهه کي ميکرؤپلأستيکأن کۊجي دريأ دۊرۊن, هم دريد هم وأولأج دأريدي. ميکرؤپلأستيکأنˇ تعدأد ايتألييأ ونيزˇ دۊرۊن 2175-672 تأ تيکه هر يک کيلؤگرم خۊشکˇ رۊفه دۊرۊنه. (Vianello et al., 2013). Abidli يؤ همکأرأن (2017) تۊنسˇ بيزرتˇ ميکرؤپلأستيکأنأ 18-3 تأ تيکه/گرم رۊفه (18000-3000 تأ رۊفه کيلؤگرمˇ دۊرۊن) بۊگؤفتده. Townsend ؤ همکأرأن (2019) اۊسترألييأ ملبؤرنˇ شأري سلأنˇ رۊفه-أنأ وأرسي بۊکۊدد کي بيديند ميکرؤپلأستيکˇ آلۊديگي يؤ زيمينأني کي شأرˇ دۊرۊن نهأ مييأن چي ايرتبأطي نهأ. نتيجه-أن نيشأن بدأ کي ميکرؤپلأستيکأن همه-تأ سلأنˇ دۊرۊن دريد ؤ هر 1 کيلؤگرمˇ دۊرۊن 46 تأ تيکه ميکرؤپلأستيک دره. اۊشأن بۊگؤفتيد کي شأرنيشيني بأعيث بؤبؤسته کي اۊسترألييأ ملبؤرنˇ سلأن ميکرؤپلأستيکˇ جأ آلۊده-أ بد. شأ أتؤ گؤفتن کي شأرˇ پيله-أ بؤستن بأعيث بؤبؤسته, آبي کي وأرشˇ پسي ديبه رۊخأنأنˇ دۊرۊن, ميکرؤپلأستيکأ دۊکۊنه رۊفه-أنˇ دۊرۊن. أمي وأرسي دۊرۊن ايسگأيه 10 4/171±282 تأ تيکه ميکرؤپلأستيک هر 100 گرم خۊشکˇ رۊفه دۊرۊنˇ مرأ آلۊده-ترين ايسگأ بۊ. آشخألأني کي کۊجي دريأ دۊرۊن دۊکۊنيدي, صنعتي يؤ آشخألأني کي کۊجي دريأ دؤر نيشته-بؤ آدمأنˇ جأ فيوه اۊنˇ دۊرۊن ؤ بأزأرني کي هر هفته تۊمأنأبؤ پسي کأسبأن ؤ بأزأرمجأن خۊشأنˇ آشخألأنأ اۊنˇ دۊرۊن تأوديدي تأنه دليلأني ببه کي ايسگأيه 10 هأندر آلۊده-يه. 6, 7, 8 ؤ 9 ايسگأئأن هرتأ 5 تأ تيکه ميکرؤپلأستيک هر 100 گرم خۊشکˇ رۊفه دۊرۊنˇ مرأ کمتري آلۊديگي-يأ دأشتيدي. أ ايسگأئأنˇ آلۊديگي کي کمتر بۊ تأنه أنˇ وأسي ببه کي اۊنˇ دؤر کمتر سأمأن بۊکۊده بيد ؤ بيجأرم بقأيده ننأ بۊ.
أ وأرسي دۊرۊن ميکرؤپلأستيکأن سه تأ جرگه-يه رشته-يي, تيکه-پأره ؤ غشأيي دۊرۊن جزه بؤبؤستد. رشته-يي ميکرؤپلأستيکأن ويشتري فتˇ فرأوأني-يأ تۊمأمˇ ايسگأئأنˇ دۊرۊن دأشتيد أممأ هيتأ ميکرؤپلأستيکي کي گرأنؤلˇ شکلأ بدأره بييأفته نؤبؤسته. أن نيشأن دهه کي, دؤوؤمي ميکرؤپلأستيکأن, هأشأنˇ جأ به وۊجۊد أييدي. دؤوؤمي ميکرؤپلأستيکأن, يأ پيلدأنه پلأستيکأنˇ بأقي-بمأنسته لأ کۊدنˇ جأ, يأ ميکأنيکي زۊرˇ مرأ, يأ گرمأ جأ الکترؤنأ خۊشأنˇ شينأ جه دس ديهيدي, يأ گرمأ جأ وأدأهسته بيدي يأ زيويشر (Laglbauer et al. 2014ꓼ Zao et al. 2016) أشأنأ وأدأهه. جه اۊ پألي, وأرسي-يأنˇ نتيجه نيشأن دهه کي ايتأ رخت شؤستن تأنه 1900 تأ أليأفأ وأولأجأنه (Browne et al., 2011) پس, رشتˇ تأق, پيربأزأرˇ رۊخأنˇ جأ ؤ أنزلي بمأنسته آبأن کي ديبه کۊجي دريأ دۊرۊن تأنه دليلأني ببه کي رشته-يي ميکرؤپلأستيکأنأ کۊجي دريأ دۊرۊن وأولأج بده. متأجي ؤ شۊکرۊالله‌زاده-يه طألشي (1395)
نؤشأرˇ خيرۊدˇ رۊفه-أنˇ ميکرؤپلأستيکأنأ شأ چأر تأ جرگه-يه ايسفنجي, رشته-يي, کۊجي تيکه-پأره ؤ
پيله تيکه-پأره دۊرۊن جزئن. Abidli ؤ همکأرأن (2017). کلسييأ-تۊنسˇ بيزرتˇ سلˇ رؤگأ رۊفه-أنˇ ميکرؤپلأستيکأنˇ ويشتري شکل, رشته-يي-يه. Vianello ؤ همکأرأن (2013). ايتألييأ ونيزˇ ميکرؤپلأستيکأنˇ شکل, تيکه-پأره (87٪), رشته-يي (10٪), غشأيي (2٪) ؤ گرأنؤلي (1٪) ايسيد. اينگيليس تأ اۊسترألييأ (Thompson et al., 2004ꓼ Browne et al., 2011) رۊخأنأن ؤ سلأنˇ آب ؤ بلژيکˇ دريأکنأرˇ (Claessens et al., 2011) ميکرؤپلأستيکأن نى رشته-يي-يد.
أ وأرسي دۊرۊن ميکرؤپلأستيکأني کي تأکأ بؤستدˇ رنگ سييأ, سۊرخ, آبي, زرد, سيکلمه, سبز ؤ سيويد بيد. سييأ ؤ سۊرخ به رج 1/34٪ ؤ 8/30٪ˇ مرأ ويشتري فتˇ فرأوأني يؤ سيکلمه ؤ زرد نى به رج 2/1٪ ؤ 8/1٪ˇ مرأ کمتري فتˇ فرأوأني-يأ دأشتيدي. آبي, اتمألن تأنه آبي شيشه-أن ؤ آبي پلأستيکي قۊطي-يأنˇ تکس تکسأ بؤستنˇ جأ به وۊجۊد بأمؤبي. سبزˇ رشته-يي ميکرؤپلأستيکأن مۊمکينه لأفندأن ؤ مألأئأنˇ مأشکأنˇ جأ به وۊجۊد بأمؤبي. ريزˇ پلأستيکأني کي رنگي بيدم مۊمکينه طبيعي شکأرأنˇ مأنستن به نظر بأمؤبيد ؤ أنˇ وأسي به سأب شکأرچي-يأن اۊشأنأ غذأ جأ به گأزأ گيفته-بيد (Boerger et al., 2010ꓼ Lusher et al., 2013) هأنˇ وأسي اۊ حأيوأنˇ هضم-دأنأ آسيب بزه-بي. أ رنگي ميکرؤپلأستيکأن مأيي-يأن, چيري-يأن ؤ کۊمۊشأنˇ مييأن دۊبۊد (Foekema et al., 2013ꓼ Hoarau et al., 2014) Stolte ؤ همکأرأن (2015) نيشأن بدأده کي تقريبن تۊمأمˇ دريأکنأرˇ رۊفه-أن (آلمأنˇ بألتيکˇ دريأکنأر) رنگي أليأف دأريدي. Abidli ؤ همکأرأن (2017). ميکرؤپلأستيکأني کي, زنگ, سيويد, آبي, سبز, سۊرخ ؤ سييأ بۊيأ کلسييأ-تۊنسˇ بيزرتˇ سلˇ جأ بييأفتده. متأجي ؤ شۊکرۊالله زأده-يه طألشي (1395). خيرۊدˇ دريأکنأرˇ ميکرؤپلأستيکأنˇ رنگ سيويده. تۊمأمˇ ميکرؤپلأستيکأنˇ وأد أ وأرسي دۊرۊن 5-3/0 ميلي متر بۊ. نتيجه-أن نيشأن بدأ کي 2-1 ميلي متري جرگه 3/73٪ ˇ مرأ ويشتري فتˇ فرأوأني-يأ دأشتي يؤ 4-3 ؤ 5-4 ميلي متري جرگه-أن 1/5٪ مرأ کمتري فتˇ فرأوأني-يأ دأشتيدي. مۊهيم-تري دليلي کي أ آلۊديگي-يأن تأنه زنده جأنورأنˇ سر مأله بنه, ميکرؤپلأستيکأنˇ کۊجي وأده. چۊنکي, کۊجي ميکرؤپلأستيکأن (غذأ مأنستن) تأنيدي ويشترˇ جأنوأرأنˇ جأ به عؤنوأنˇ غذأ فۊبرده بيبيد (Moore et al., 2001). کۊجي تيکه-پأره ميکرؤپلأستيکأن تأنيدي خۊردنˇ پسي دفع بيبيد, أممأ پيلدأنه تيکه-أن مۊمکينه أشأنˇ هضم-دأنˇ دۊرۊن بمأنه ؤ به سأب احسأس بۊکۊنيد کي سئريد ؤ أ مؤضۊ ویشترˇ مۊرخه-دأرˇ حأيوأنأنˇ دۊرۊن گۊزأرش بؤبؤسته دأره (Ryan et al., 2009, Butterworth et al., 2012). أممأ رشته-يي ذره-أن مۊمکينه کي پيچ بۊخۊريد ؤ گۊده بۊکۊنيد, هضم-دأنأ دوديد ؤ ونأليدي کي حأيوأن غذأ بۊخۊره (Derraik, 2002). Lusher ؤ همکأرأن (2013) نيشأن بدأده کي ميکرؤپلأستيکأنˇ کۊجي وأد نيسبت به بأقي-يه ميکرؤپلأستيکأن بأعيث به کي حأيوأنأن اۊشأنأ زۊتر فۊبرد. عيلأوه-يه اۊن, Rochman ؤ همکأرأن (a20013) بۊگؤفتده کي ميکرؤپلأستيکأني کي 5-2 ميلي متر ايسد جأنورأنˇ معده جأ دئرتر دوأر کۊنيدي يؤ تأنيدي هضم-دأنˇ دۊرۊن گير بۊکۊنيد ؤ أن بأعيث به کي سم ويشتر جذب بۊکۊنيد. Abidli ؤ همکأرأن (2017) رشته-يي يؤ تيکه-پأره ميکرؤپلأستيکأني کي مۊتوسط ايسيد ؤ کلسييأ-تۊنسˇ بيزرتˇ سلˇ جأ جمأ بؤسته دأره-يأ به رج 39/-27/0 ؤ 51/0-19/0 ميلي متر بۊگؤفتده.
أ وأرسي دۊرۊن پؤليمرأن, پؤلي استأيرن (PS), پؤلي پؤرؤپيلن (PP), پؤلي استر (PES), پؤلي اتيلن (PE) ؤ پؤلي أکريلؤنيتريل (PAN) بيد. بأقي وأرسي-يأن نى ايتأ بأرˇ ميکرؤپلأستيکأنأ دريأ زيويشرˇ دۊرۊن گۊزأرش بدأده ؤ ويشتري-يأ پؤلي پؤرؤپيلن, پؤلي استر, پؤلي اتيلن, پؤلي آميد (أبچين), أکريليک ؤ پؤلي ونيل ألکؤل بشنأختده. (Browne et al., 2011ꓼ Claessens et al., 2011). أ پؤليمرأن ويشتر پأرچه-أنˇ دۊرۊن ايستفأده بيدي. Browne ؤ همکأرأن (2011) نيشأن بدأده کي پؤليمرˇ ترکيب رۊفه-أنˇ دۊرۊن, لأب تأقأنأ (رخت شؤستنˇ مأنستن) مأنه. پؤلي پؤرؤپيلن ؤ پؤلي اتيلن لأفند ؤ مأشکˇ ره ايستفأده بيدي (Claessens et al., 2011). عيلأوه-يه اۊن, پؤلي پؤرؤپيلنˇ أليأف ويشتر فرش ؤ مۊکت ؤ أ آخر آخرأن ورزشي رختأنˇ ره نى ايستفأده به. مألأئأنˇ مأشک ؤ لأفندأنˇ جأ زييأد ايستفأده کۊدن نى تأنه ايتأ دليلي ببه کي پؤلي اتيلن ؤ پؤلي پؤرؤپيلنˇ پؤليمرأن کۊجي دريأ دۊرۊن دبه. پؤلي استأيرن يکبأر مصرفˇ موأدˇ (آبخۊري يأ غذأ-جأ) دبستکأ دۊرۊن ايستفأده به. پس, ايتأ دليل کۊجي دريأ ميکرؤپلأستيکي آلۊديگي تأنه هأ يکبأر مصرفأن ببه کي يأ أشأنأ صأف تأوديدي کۊجي دريأ دۊرۊن يأ رۊخأنأني کي ديبيدي کۊجي دريأ دۊرۊنˇ جأ أييدي ؤ تکس تکسأ بيدي يؤ, بيدي کۊجي ذره-أني کي ميکرؤپلأستيکˇ آلۊديگي-يأ رۊفه-أنˇ دۊرۊن به وۊجۊد أوريدي. پؤلي استرأن (PES) ويشتر بأفتني-يأن ؤ حمل ؤ نقلˇ تجهيزأنˇ دۊرۊن, کشتي سأزي, لۊله, مخزنأن ؤ أشأنˇ مأنستنˇ دۊرۊن ايستفأده بيدي. (Scheirs and Long, 2003). ايتأ دليلأني کي پؤلي استر أ وأرسي دۊرۊن زييأد دره أنˇ کي مۊمکينه مأيي-گيري يؤ تفريحي لۊتکأئأن کي کۊجي دريأ دۊرۊن زييأد شؤن أمؤن کۊنيدي يأ کشتي-يأني کي أنزلي مؤلأ شؤن أمؤن کۊنيدي وأسي ببه. پؤلي أکريلؤنيتريلˇ أليأف رختأنˇ پأرچه-أنˇ دۊرۊن زييأد ايستفأده به. عيلأوه-يه اۊن, أ پؤليمرˇ جأ فيبر چأکۊده به کي اۊنˇ مرأ کربؤنˇ أليأف ؤ لۊتکأئأنˇ بأدبأنأ چأکۊنيدي (Karbownik et al., 2019). پس, کأرخأنه-أن ؤ خأنه-أنˇ تأق (رختأنˇ شؤستن) تأنه ايتأ دليلي ببه کي أ پؤليمر کۊجي دريأ دۊرۊن زييأد دره.
أن کي ايتأ بأرˇ ميکرؤپلأستيک کۊجي دريأ رۊفه-أنˇ دۊرۊن دره نيشأن ديهه کي أ آلۊديگي مۊمکينه مأيي-يأن ؤ چيري-يأنˇ جأ فۊبرده ببه ؤ بزين آدمأنأ وأتين بدأره. وختي ميکرؤپلأستيکأن زيويشرˇ دۊرۊن زييأدأ بيد, وأسي وأرسي-يأني أنجأم ببه کي وأمجه ميکرؤپلأستيکأن, کيشورˇ بأقي آبأنˇ دۊرۊن ؤ حأيوأنأنˇ هضم-دأن دۊرۊنم دره يأ نأ.
تشکۊر
جنأبˇ آقأىˇ حؤرˇ تۊرأبي-يه جفرۊدي, مهندس علي-يه خۊدأدۊست, آقأىˇ عسگرˇ قۊربأن زأده, سرکأرˇ خأنمˇ نيلۊفرˇ شعبأنپۊرˇ لشکريأن ؤ دۊکتۊر مينأ رهبر کي أ وأرسي دۊرۊن أمرأ يأور بدأده جأ, تشکۊر کۊنيمي.
أ مقأله-يأ تأنيد أيأ جيرأ کشيد
سربس
أحمدي, م., خأني پۊر, ع.أ. ؤ أبۊالقأسمي, س.ج., 1394. کأدمييؤم ؤ نيکل ؤ رۊىˇ سينگينˇ فلزأنˇ أمبستي-يأ وأد زئن ؤ مۊقأيسه کۊدن, اۊرديک مأيي عضۊله خۊرأکي بأفتˇ دۊرۊن, (Esox Lucius) أنزلي کۊجي دريأ. ايرأنˇ شيلأتˇ عيلمي مجله, بيسˇ چأرۊمي دؤره, أولي شؤمأره, صفه-يه 75-81. Dio: 10.22092/ISFJ.2014.103095
سلأمأت, ن., خليفي, خ., اعتمأدي, ل. ؤ مأمدي, ى., 1393. سۊرب ؤ قلع ؤ رۊىˇ سينگينˇ فلزأنأ سنجستن, فيتۊفأگ مأيي کبدˇ خۊرأکي يؤ غيرˇ خۊرأکي عضۊله بأفتأنˇ دۊرۊن Hypophthalmichthys molitrix أنزلي کۊجي دريأ, دأمپزشکي مجله, بيسˇ هفتۊمي دؤره, چأرۊمي شؤمأره, صفه-يه 77-84. Dio: 10.22092/VJ.2015.100948
سيف زأده, م., ولي پۊر, ع.ر., زأرعˇ گشتي, ق. ؤ خأني پۊر, ع.أ., 1397. آلدرين, دييأزينۊن ؤ أندرينˇ وأرسي کي چقد سم, کۊجي دريأ ايقتصأدي مأيي-يأنˇ خۊرأکي عضۊله بأفتˇ دۊرۊن دره. ايرأنˇ شيلأتˇ عيلمي مجله. بيسˇ هفتۊمي دؤره, سوۊمي شۊمأره, صفه-يه 23-30. Dio: 10.22092/ISFJ.2018.116858
خزأيي, ط. ؤ پۊرخبأز, ع.ر., 1391. Cu ؤ Cd ؤ Pb سينگينˇ فلزأنˇ آلۊديگي-يأ مؤشخصأ کۊدن, کۊجي دريأ سرسرˇ رۊفه-أنˇ دۊرۊن. مۊحيطي عۊلۊم, دهۊمي دؤره, دؤوؤمي شۊمأره, صفه-يه 53-64.
طأهري-يه يزدي, ف., رييأضي, ب. ؤ گۊشتأسب, ح., 1387. رأمسرˇ کؤنوأنسييؤنˇ وأرسي يؤ اۊنˇ چۊتؤيي ايجرأ بؤستن ايرأنˇ دۊرۊن ؤ ايرأنˇ سلأنˇ پأستنˇ حؤقؤقي چأرچۊبˇ ره. زيويشرˇ مۊديرييتˇ رشته کأرشنأسي أرشدˇ پأيأن-نأمه –دأنشگأ آزأتˇ عۊلۊمˇ وأحدˇ زيويشرˇ حؤقؤق ؤ انرژي يؤ زيويشرˇ دأنشکده تحقيقأن.
غضبأن, ف. ؤ زأرعˇ خۊش ايقبأل, م., 1390. کۊجي دريأ رۊفه-أنˇ سينگينˇ فلزأنˇ آلۊديگي-جيگأيأ وأرسي کۊدن (ايرأنˇ کلسييأ). مۊحيط شنأسي, سي يؤ هفتۊمي سأل, پئنجأ ؤ هفتۊمي شۊمأره.
فئيد, م., بأبأيي, ه. ؤ عأبديني, ع., 1394. کۊجي دريأ فيزيکۊشيمييأيي يؤ ميکرۊبي پأرأميترأنˇ وأرسي. سلˇ اکؤبييؤلؤژي عيلمي فصلنأمه-أهوأزˇ دأنشگأ آزأتˇ وأحد. هفتۊمي سأل, بيسˇ پئنجۊمي شۊمأره.
متأجي, آ. ؤ شۊکرۊالله زأده-يه طألشي, م., 1395. کأسپي دريأ نسأ دريأکنأرˇ رۊفه-أنˇ ميکرؤپلأستيکأنˇ وأولأج. کيشأورزي يؤ زيويشر ؤ گردشگري تأزه ايده-أن بينؤلمللي چأرۊمي کۊنفرأنس.
Abidli, S., Toumi, H., Lahbib, Y. and Trigui El Menif, N., 2017. The Firdt Evaluation of Microplastics in Sediments from the Complex Lagoon-Channel of Bizerte (Northern Tunsia). Water Air and Soil Pollution, 228(7): 262.
Dio: 10.1007/s11270-017-3439-9
Arthur, C., Baker, J. and Bamford, H., 2009. In: Proceedings of the International Research Workshop on the Occurrence, Effects and Fate of Microplastic Marine Debris, 9-11 September 2008, NOAA Technical, Memorandum NOS-OR&R30.
Barnes, D.K.A., Galgani, F., Thompson, R.c. and Barlaz, M., 2009. Accumulation and fragmentation of plastic debris in global environments. Philosophical Transactions of the Royal Society B: Biological Sciences, 364(1526): 1985-1998.
Dio: 10.1098/rstb.2008.0205
Boerger, C. M., Lattin, G. L., Moore, S. L. and Moore, C. J., 2010. Plastic in gestion by planktivorous fishes in the North Pacific Central Gyre. Marine Pollution Bulletin, 60, 2275-2278. Dio: 10.1016/j.marpolbul.2010.08.007
Browne, M.A., Crump, P., Niven, S.J., Teuton E., Tonkin, A., Galloway, T. and Thompson, R.C., 2011. Accumulation of microplastic on shorelines worldwide: sources and sinks. Environmental Science and Technology, 45, 9175-9179.
Dio.org/10.1021/es201811s
Butterworth, A., Clegg, I. and Bass, C., 2012. Untangled – Marine Debris: A Global Picture of the Impact on Animal Welfare and of Animal-Focused Solutions. World Society for the Protection of Animals, London.
Claessens, M., De Meester, S., Van Landuyt, L., De Clerck, K. and Janssen, C.R., 2011. Occurrence and distribution of microplastics in marine sediments along the Belgian coast. Marine Pollution Bulletin, 62, 2199-2204. Dio: 10.1016/j.marpolbul.2011.06.030
Cole, M., Lindeque, P., Halsband, C. and Galloway, T.S., 2011. Microplastics as contaminants in the marine environment: a reviw. Marine Pollution Bulletin, 62(12). 2588-2597. Dio: 10.1016/j.marpolbul.2011.09.025
Corcoran, P.L., Biesinger, M.C. and Grifi, M. 2009. Plastics and beaches: A degrading relationship. Marine Pollution Bulletin, 58(1): 80-84. Doi: 10.1016/j.marpolbul.2008.08.022
Costa, J.P.da., Santos, P.S.M., Duarte, A.C. and Rocha-Santos, T., 2016. (Nano) plastics in the environment: A sources, fates and effects. Sci. Total Environ. Doi: 10.1016/j.scitotenv.2016.05.041
Derraik, J.G.B., 2002. The pollution of the marine environment by plastic debris: a review. Marine Pollution Bulletin, 44, 842 852. Doi: 10.1016/s0025-326x (02)00220-5
Jayasiri, H.B., Purushothaman, C.S. and Vennila, A., 2013. Quantitative analysis of plastic debris on recreational beaches in Mumbai, India. Marine Pollution Bulletin, 77: 107-112. Doi: 10.1016/j.marpolbul.2013.
Karbownik, I., Rac-Rumijowska, O., Fiedot-Toboła, M., Rybicki, T. and Teterycz, H., 2019. The Preparation and Characterization of Polyacrylonitrile Polyaniline (PAN/PANI) Fibers. Materials, 12(4): 664. Doi: 10.3390/ma12040664.
Laglbauer, B.J., Franco-Santos, M.R., Andreu-Cazenave, M., Brunelli, L., Papadatou, M., Palatinus, A., Grego, M. and Deprez, T., 2014. Macrodebris and microplastics from beaches in Slovenia. Marine Pollution Bulletin, 89: 356–366. Doi: 10.1016/j.marpolbul.2014.09.036.
Lithner, D., Larsson, A. and Dave, G., 2011. Environmental and health hazard ranking and assessment of plastic polymers based on chemical composition. Science of the Total Environment, 409(18): 3309 3324. Doi: 10.1016/j.scitotenv.2011.04.038.
Löder, M.G.J. and Gerdts G., 2015. Methodology Used for the Detection and Identification of Microplastics—A Critical Appraisal, pp. 201-227. Doi: 10.1007/978 3-319-16510-3_8.
Lusher, A.L., McHugh, M. and Thompson, R.C., 2013. Occurrence of microplastics in the gastrointestinal tract of pelagic and demersal fish from the English Channel. Marine Pollution Bulletin, 67: 94–99. Doi: 10.1016/j.marpolbul.2012.11.028.
Foekema, M.E., Gruijter, C.D., Mergia, T.M., Van Franeker, J.A., Murk, J.A.T. and Koelmans, A.A., 2013. Plastic in North Sea Fish. Environmental Science & Technology, 47(15): pp.8818-8824. Doi: 10.1021/es400931b
Gouin, T., Avalos, J., Brunning, I., Brzuska, K., Graaf, J. Kaumanns, J.D., Konong, T., Meyberg, M., Rettinger, K. and Schlatter, H., 2015. Use of micro-plastic beads in cosmetic products in Europe and their estimated emissions to the North Sea environment. SOFW-J, 141: 40-46.
Hidalgo-Ruz, V., Gutow, L., Thompson, R.C. and Thiel, M., 2012. Microplastics in the marine environment: a review of the methods used for identification and quantification. Environmental Science and Technology, 46: 3060-3075. Doi: 10.1021/es2031505.
Hoarau, L., Ainley, L., Jean, C. and Ciccione, S., 2014. Ingestion and defecation of marine debris by loggerhead sea turtles, Caretta caretta, from by-catches in the South-West Indian Ocean. Marine Pollution Bulletin, 84(1-2): pp.90-96. Doi: 10.1016/j.marpolbul.2014.05.031
Holmes, L.A., Turner, A. and Thompson, R.C., 2012. Adsorption of trace metals to plastic resin environment. 160: pellets in the marine Environmental Pollution, 42–48. Doi: 10.1016/j.envpol.2011.08.052.
Ryan, P.G., Moore, C.J., van Franeker, J.A. and Moloney, C.L., 2009. Monitoring the abundance of plastic debris in the marine environment. Philosophical Transactions of the Royal Society of London Series B Biological Sciences, 364: 1999–2012. DOI: 10.1098/rstb.2008.0207.
Scheirs, J. and Long. T.E., 2003. Modern Polyesters: Chemistry and Technology of Polyesters and Copolyesters. John Wiley and Sons Ltd, Chichester, UK. Doi.org/10.1002/0470090685. 788 P.
Stolte, A., Forster, A., Gerdts, G. and Schubert, H., 2015. Microplastic concentrations in beach sediments along the German Baltic coast. Marine Pollution Bulletin, 99(1-2): 216-229. DOI: 10.1016/j.marpolbul.2015.07.022.
Sunderland, E.M., Cohen, M.D., Selin, N.E. and Chmura, G.L., 2008. Reconciling models and measurements to assess trends in atmospheric mercury deposition. Environmental Pollution, 156(2): pp.526 535. DOI: 10.1016/j.envpol.2008.01.021.
Thompson, R.C., Olsen, Y., Mitchell, R.P., Davis, A., Rowland, S.J., John, A.W.G., McGonigle, D. and Russell, A.E., 2004. Lost at sea: where is all the plastic? Science, 304: 838. DOI: 10.1126/science.1094559.
Townsend, K.R., Lu, H.C., Sharley, D.J. and Pettigrove, V., 2019. Associations between microplastic pollution and land use in urban wetland sediments. Environmental Science and Pollution Research, 26(22): pp.22551 22561. Doi: 10.1007/s11356-019-04885-w
Moore, C.J., Moore, S.L., Leecaster, M.K. and Weisberg, S.B., 2001. A comparison of plastic and plankton in the North Pacific Central Gyre. Marine Pollution Bulletin, 42: 1297–1300. DOI: 10.1016/s0025-326x (01)00114-x.
Nor, N.H.M. and Obbard, J.P., 2014. Microplastics in Singapore's coastal mangrove ecosystems. Marine Pollution Bulletin, 79: 278-283. DOI: 10.1016/j.marpolbul.2013.11.025.
Reddy, M.S., Basha, S., Adimurthy, S. and Ramachandraiah, G., 2006. Description of the small plastics fragments in marine sediments along the Alang-Sosiya ship breaking yard, India. Estuarine, Coastal and Shelf Science, 68: 656 −660. DOI: 10.1016/j.ecss.2006.03.018.
Rochman, C.M., Browne, M.A., Halpern, B.S., Hentschel, B.T., Hoh, E., Karapanagioti, H.K., Rios-Mendoza, L.M., Takada, H., Swee, T. and Thompson, R.C., 2013a. Classify plastic waste as hazardous. Nature, 494: 169–171. DOI: 10.1038/494169a.
Rochman, C.M., Hoh, E., Hentschel, B.T. and Kaye, S., 2013b. Long-term field measurements of sorption of organic contaminants to five types of plastic pellets: Implications for plastic marine debris. Environmental Science and Technology, 47(3): pp.1646-1654. DOI: 10.1021/es303700s.
Zhao, S., Zhu, L. and Li, D., 2016. Microplastic in three urban estuaries, China. Environmental Pollution, 206: 597 604. DOI: 10.1016/j.envpol.2015.08.027.
Vianello, A., Boldrin, A., Guerriero, P., Moschino, V., Rella, R., Sturaro, A. and Da Rosb, L., 2013. Microplastic particles in sediments of Lagoon of Venice, Italy: First observations on occurrence, spatial patterns and [ Downloaded from isfj.ir on 2025-04-22 ] [ DOR: 20.1001.1.10261354.1399.29.4.11.5 ] 133 identification. Estuarine, Coastal and Shelf Science, 130: pp.54-61 Doi: 10.1016/j.ecss.2013.03.022.
