جـه سليمـان داراب ويـريشته ميــرزا (تيمور گـورگيـن)
جـه سليمـان داراب ويـريشته ميــرزا
سه گۊلي بخأنده بـۊ
گيـلانˇ سيفيدˇ خـۊرۊس
اۊ طرفان . . .
پيله مـزار، واشکافته:
جـه سۊلئماندراب،
ويـريشته " میــرزا " . . .
(خـۊ سرأ بيافته، ايـواردم.
بازم، سـر، اونˇ شيـن نييه،
چي ره کي اونˇ وطـنˇ شينه!)
***
جه سۊلئماندراب
ويـريشته ميــرزا . . .
چـۊمـۊش دۊکـۊده، پاتاوه بـۊکـۊده!
فانـۊسقه دٚوٚسته،
تٚفٚنگ به دس،
مي گـۊلˇ رشتـي، مي گـۊلˇ ريـش.
***
داران، دامـأنˇ مييان
خـۊشانˇ دسأ،
تکام ديهيدي ميــرزا طـرف!
***
ســـردار . . .
فامج کـۊنه پـۊردˇ سر
چـۊشمه ور
گـۊمارˇ کنار
دينه باز خـۊ ريفقانأ
رشـتˇ جقلانأ
قطـار، قطـار!
خأندأن دريدي به چي خـؤبي:
ميـرزا . . .
تـۊ مردي
پيله گيله مردي
کي بيده ترأ جه تي مرام وأگردي؟
***
هأنˇ کي
سالي ايـرۊز
پيله مـزار، خؤرأ واشکافه
جه سۊلئماندراب، ويريزه ميــرزا
خـۊ سرأ بدسأ گيره
دامـأنˇ مييان را دکفه . . .!
لینک داده شد
پایدار و پیروز مانی