عرفأنˇ زمأني ره
شنبه, ۱۹ آذر ۱۴۰۱، ۱۱:۱۲ ق.ظ
#عرفأنˇ زمأني ره
گيلأن جأن
گۊشأ دن مي أ گبأ
تي مرأ گب دأرمه
تي بۊگؤفتأنأ کرأ
يأد أرمه
کي بيده وختي گيلأن جأن
خۊ اؤخأنأ سرأ ده
أنˇ نتأج
دئر اۊنأ آوجأ ده؟!
کي بيده
وختي تي چۊم أرسۊ دبه
تي ايتأ شيرˇ زأکأن
زنأکأن يأ مردأکأن
أمي رئکأن أمي کؤرأن
زۊد خؤرأ جيگأ بده؟!
جخترأ نۊشؤ
هأنده يأده أمرأ
وختي تي کشه ديبيم
کۊچيکأني
أمي گۊشˇ کۊن
گۊمگۊمه کۊدي:
ترأ من پيله-أ کۊنم
ايرأنˇ غمأ خۊري؟
نۊکۊنه اي وخت ته ره
شئطأنأ بي
هأچينه هيچي وأسي
مي گبأ جخترأ دي
جأنˇ گيلأن
حسۊدأنˇ چۊم کۊر
شئطأنˇ گۊشˇ ذرئم کر
کرأ شأل زئن دريد
ويري تي شيرأنأ فأندر
جأنˇ گيلأن
جأنأ قۊربأن
وألأنه دأريم أمي گۊشˇ ورأ
همه تي خؤرمˇ گبأن:
نترسˇ زأى شۊمأنيد
دم به تۊييد
شۊمأنيد کي ايرأنˇ آبٚرۊييد
1596 شمبه أريه مأ 30
شنبه 14 آبان 1401
أيأ بيشتأويد
