وأسي جنگل بۊخۊسيم، ميـرزاکوچي‌خـانˇ مـره ورخـانـأ، تــازهˈ کـۊنيـم، تــازه جـــوانــانˇ مـره
جــانˇ جــأ ديــل بکنيـم، ايـــــرانˇ آزادي خنـي مالˇ جأ دس اۊسانيم ميــرزا حـۊسئن خانˇ مـره
صؤبˇ سر، کسما مييان دۊشمندأ نابـۊدأ کـۊنيم شب بيشيم ماسۊله سنگر، کـاسˇ چــۊمـانˇ مـره
تيـــر بيبيم دۊشمنـدانˇ سينـهˈ نظــاره بيگيــريـم شير بيبيم جنگ بۊکۊنيم گـۊرگان ؤ شالانˇ مـره
ايـــــرانˇ نــاجـــهˈ بنيــم هممتــا بيگـــانـه ديــلأ پـا بـه پـا همـرا بيبيم ميـــرزاکـۊچـي‌خـانˇ مـره
ننيـم أ جنــگˇ مييـان خـالـي تـۊفنگم بــه زيميـن همـه ســــرپـــا بـيـمـيـريـم جنـگـلˇ دارانˇ مــره
خـان ؤ خـان‌زادانˈ بيـرۊن فيشـانيم کشـورˇ جـأ ستمـأ وأســي بجنگيـم گــيــلـــه‌مــــــردانˇ مـــره
اۊيأ کي گـؤرره کـۊنه تـۊپ ؤ زنه ايجگره تیــر سـد و سنگـر چـاکـۊنيم پـا ؤ ســر ؤ جـانˇ مــره
سـر فأديم ميـــرزا مانستن، هنـأ سـربازي گيـدي ويـري «درويـش» کي بيشيم جبهه رفقـانˇ مـره
محمد بشرا (درویش گیلانی)
مجله دامون / دوره دوم / شماره مسلسل 17 / سال 1359
«ویژه نامه به یاد میرزاکوچک خان»
